“Bild” qəzetinin məlumatına görə, Almaniyanın Bilefeld şəhərində (Şimali Reyn-Vestfaliya torpağı) amfibiyaların — qurbağalar və tritonların təhlükəsiz miqrasiyasını təmin etmək üçün yeraltı keçidlərin tikintisinə başlanılıb. Bu səbəbdən Dornberger Strasse küçəsinin təxminən 700 metrlik hissəsi 27 iyul tarixindən etibarən nəqliyyatın hərəkəti üçün tamamilə bağlanıb.
Layihənin təfərrüatları və yaradılan narahatlıqlar:
-
Marşrutun uzanması: Yolu bağlanan minlərlə sürücü təxminən 14 kilometrlik dairəvi yoldan istifadə etməyə məcbur qalıb. Bu da hərəkət vaxtının 25 dəqiqəyə qədər artmasına səbəb olur.
-
İşlərin miqyası: Ərazidə amfibiyalar üçün 12 xüsusi yeraltı tunel inşa olunacaq. Xüsusi keçidlərin tikintisi səbəbindən adi yol təmirinin planlaşdırılan müddəti 2 həftədən 4 aya qədər uzadılıb. Yolu yenidən qurulmasının ümumi büdcəsi təxminən 1,7 milyon avro təşkil edir.
-
Yerli sakinlərin etirazı: Əvvəllər könüllülər tərəfindən yaz aylarında əl ilə yolun digər tərəfinə keçirilən heyvanlar üçün bu qədər uzunmüddətli yol bağlanması sakinlər və biznes sahibləri tərəfindən narazılıqla qarşılanıb. Onlar “Uşaqlar əvəzinə qurbağalar” adı altında petisiya toplayaraq, əvvəlcə yolun təmir olunmasını, tunellərin tikintisinin isə daha sonraya təxirə salınmasını tələb edirlər.
Bilefeld rəsmiləri operatesiyaya haqq qazandıraraq bildirirlər ki, son 30 ildə könüllülər hər il bu ərazidə 3 minə yaxın amfibiyanı xilas ediblər. Yeni tunellər biomüxtəlifliyin və kiçik məməlilərin mühafizəsi üçün uzunmüddətli həll yolu hesab olunur.
İzmedia.az
