İsrailin keçmiş diplomatı Alon Pinkas “Al Jazeera” telekanalına açıqlamasında bildirib ki, ölkədə keçiriləcək seçkilərin nəticələri Qəzza zolağında və ya işğal olunmuş İordan çayının qərb sahilində yaşayan fələstinlilərin həyatında ciddi dönüş yaratmayacaq.
Pinkas vurğulayıb ki, hakimiyyətə gəlmək şansı olan müxalifət partiyalarından heç biri İsrail-Fələstin münaqişəsinin həlli ilə bağlı yenilikçi yanaşma nümayiş etdirmir. Onun sözlərinə görə, siyasi qüvvələr Fələstin dövlətinin qurulmasının qeyri-mümkünlüyünü sübut etmək üçün bir-biri ilə rəqabət aparırlar.
Ekspert əlavə edib ki, yeni formalaşacaq hökumət İsrailin beynəlxalq aləmdə artan təcridi ilə mübarizə aparmalı və ABŞ Prezidenti Donald Trampın Qəzza üzrə sülh planına sadiqliyini təmin etməyə çalışacaq. Diplomat Netanyahu hakimiyyətindən fərqli bəzi nüansların ola biləcəyini, lakin fələstinlilərin həyatında dramatik dəyişikliklərin gözlənilmədiyini bildirib.
İzmedia.az
