Reuters agentliyinin mənbələrinə görə, ABŞ kəşfiyyatı İran rəhbərliyinin hələ də möhkəm mövqedə olduğunu və yaxın gələcəkdə rejimin çökmə təhlükəsinin olmadığını bildirir.
Mənbələr qeyd edirlər ki, “çoxsaylı” kəşfiyyat məlumatları İran rejiminin əhali üzərində nəzarəti saxladığını sübut edir.
Eyni zamanda, İsrail rəsmiləri qapalı görüşlərdə müharibənin İranda rejim dəyişikliyinə səbəb olacağına əmin olmadıqlarını etiraf ediblər. ABŞ-İsrail hərbi kampaniyasının hazırkı İran hökumətini devirməsi hələ də qeyri-müəyyəndir. Reuters müxbirləri hesab edir ki, bunun üçün quru əməliyyatı zəruri ola bilər.
28 fevraldan bəri ABŞ və İsrail İran ərazisinə hücumlar həyata keçirir, genişmiqyaslı dağıntılar və tələfatlar baş verir. Buna cavab olaraq İran İsrailə və bölgədəki ABŞ bazalarına raket zərbələri endirib. Hücumlar nəticəsində İranın ali lideri Ayətullah Əli Seyid Xamenei həlak olub, və onun oğlu Müctəba Xamenei yeni ali lider seçilib.
“The Wall Street Journal” xəbər verir ki, ABŞ prezidenti Donald Tramp köməkçilərinə bildirib ki, tələblərə tabe olmayacağı təqdirdə Müctəba Xameneinin sui-qəsdini dəstəkləyə bilər. Tramp həmçinin açıq şəkildə vurğulayıb ki, yeni İran liderinin təyinatında ABŞ iştirak etməlidir, xüsusilə ölkənin “qeyd-şərtsiz təslim olmasından” sonra.
İzmedia.az
