TASS tərəfindən araşdırılan məhkəmə sənədləri və digər materiallara görə, Google MMC-nin fiziki şəxslər və şirkətlərin xeyrinə cərimələr, eləcə də əmlakla bağlı məhkəmə öhdəlikləri üzrə borcu 42 milyard rublu (təxminən 561 milyon dollar) keçib.
Məlumata əsasən, fevral ayında bu göstərici 26 milyard rubldan (təxminən 347 milyon dollar) bir qədər çox idi.
Şirkətə qarşı Rusiya qanunvericiliyinin pozulmasına görə cərimələr, icra haqları və əmlakla bağlı sanksiyalar daxil olmaqla ümumilikdə 62 icra işi açılıb.
Rusiya Google-a qarşı ilk iri cəriməni 11 dekabr 2018-ci ildə tətbiq edib. Bildirilir ki, buna səbəb şirkətin Rusiyada qadağan olunmuş saytların siyahısını əhatə edən dövlət sisteminə qoşulmaqdan imtina etməsi olub.
Həmin vaxt şirkət minimum məbləğdə — 500 min rubl (təxminən 6,5 min dollar) cərimələnib və bu məbləği ödəyib. O vaxtdan etibarən Google Rusiyada qanun pozuntularına görə mütəmadi şəkildə cərimələnir.
İzmedia.az
