Konqo Prezidenti Denis Sassu Nguesso Rusiya Prezidenti Vladimir Putinlə Moskvada keçirdiyi görüşü səmərəli adlandırıb və ikitərəfli münasibətlərin daha da möhkəmləndiriləcəyinə ümid etdiyini bildirib.
Konqo lideri sosial şəbəkə platforması X-də yazıb: “Bu çərşənbə, 29 apreldə Kremldə Prezident Vladimir Putinlə məhsuldar müzakirələr apardım. Xalqlarımızın qarşılıqlı rifahı naminə iki ölkə arasında əməkdaşlığı yeni zirvələrə qaldırmaq üçün ortaq öhdəliyimizi bir daha təsdiqlədik”.
ADIAC xəbər agentliyinin məlumatına görə, Sassu Nguessonun Rusiyaya səfəri mart ayında keçirilən prezident seçkilərində qələbəsindən sonra onun ilk xarici səfəridir.
Rusiya lideri ilə görüş zamanı Sassu Nguesso Rusiya ilə üç illik əməkdaşlıq planının qəbul edilməsinə hazır olduğunu bildirib. O, həmçinin Konqonun Rusiya ilə iqtisadiyyat, təhsil və işçi qüvvəsinin hazırlanması sahələrində əlaqələri genişləndirməyə hazır olduğunu vurğulayıb.
Konqo Respublikasının prezidenti dövlət başçısı kimi ilk səfərini Sovet dövründə Moskvaya edib və bu səfər onun postsovet dövründə Rusiyaya doqquzuncu səfəri olub.
İzmedia.az
