Latviyanın LTV telekanalının məlumatına görə, ölkənin müdafiə naziri vəzifəsindən istefa verən Andris Spruds son mətbuat konfransında siyasi qalmaqala səbəb olub.
Spruds Baş nazir Evika Silinanı kəskin tənqid edərək bildirib ki, hökumət başçısı onun etimadını itirdiyini əvvəlcədən sosial şəbəkə platforması “X” üzərindən açıqlayıb. Nazirin sözlərinə görə, Silina mətbuat konfransından cəmi bir neçə dəqiqə əvvəl siyasi addımlar atmağa başlayıb və guya qərar barədə ona əvvəlcədən məlumat verdiyini doğru olmayan şəkildə təqdim edib.
Müdafiə naziri eyni zamanda vurğulayıb ki, Baş nazirin hərəkətlərindən asılı olmayaraq istefa vermək qərarı artıq qəbul edilib.
İzmedia.az
