Argentina millisi FIFA-nın canlı reytinqində yenidən liderliyə yüksəlib. Real vaxt rejimində yenilənən son hesablamalara əsasən, hazırkı dünya çempionları İspaniya və Fransanı geridə qoyaraq birinci pillədə qərarlaşıblar.
Reytinqdəki dəyişiklik Argentinanın əsas rəqiblərinin yoldaşlıq görüşlərində xal itirməsindən sonra baş verib.
Birinci yer uğrunda gərgin mübarizə
Son proqnozlara görə, Argentina milli futbol komandası 1875 xalla reytinq cədvəlinin zirvəsində yer alıb.
İkinci pillədə 1873 xalla İspaniya milli futbol komandası qərarlaşıb. Üçüncü yerdə isə 1869 xala malik Fransa milli futbol komandası yer alıb.
Lider komandalar arasında xal fərqinin olduqca az olması reytinqdəki vəziyyətin nə qədər dəyişkən olduğunu göstərir. Bu səbəbdən hər bir oyun sıralamada ciddi dəyişikliklərə səbəb ola bilər.
Qeyd edək ki, FIFA bir müddət əvvəl matçlardan dərhal sonra komandaların topladığı xalları və mövqelərindəki dəyişiklikləri izləməyə imkan verən canlı reytinq sistemini istifadəyə verib.
İzmedia.az
