Rusiya xarici işlər nazirinin müavini Mixail Qaluzin TASS-a verdiyi müsahibədə bildirib ki, Vladimir Zelenskinin hərəkətləri Moskvanı bütün məqsədlərinə çatana qədər xüsusi hərbi əməliyyatları davam etdirməkdən başqa çarəsiz qoyur.
Qaluzin qeyd edib: “Zelenskinin sülhə ehtiyacı yoxdur. Onun və dəstəsi üçün uzunmüddətli münaqişə hakimiyyətdə qalmağın və cinayətlərinə görə məsuliyyətdən yayınmağın yeganə yoludur”. O vurğulayıb ki, belə şəraitdə Ukraynanın silahsızlaşdırılması və denasifikasiyası, eləcə də ondan gələn təhdidlərin hərbi yolla aradan qaldırılması məqsədlərinə inadla davam etməkdən başqa çarələri yoxdur.
“Biz danışıqlar prosesinə qapını bağlamırıq, amma hazırda məsələ bizim tərəfimizdə deyil”, – deyə yüksək vəzifəli diplomat əlavə edib.
İzmedia.az
