NATO-nun sözçüsü Alison Hart mayın 29-da bildirib ki, NATO-nun baş katibi Mark Rutte Ukrayna sərhədi yaxınlığında yaşayış binasına pilotsuz uçuş aparatının düşməsi hadisəsindən sonra Rumıniya rəhbərliyi ilə əlaqə saxlayıb.
O, X sosial şəbəkəsində yazıb: “NATO-nun baş katibi Rumıniya hakimiyyəti ilə əlaqə saxlayır”.
Hart qeyd edib ki, Rutte hazırda hadisə ilə bağlı məlumatlandırılır. Eyni zamanda, NATO nümayəndəsi heç bir dəlil təqdim etmədən hadisənin guya Rusiyanın hərəkətləri ilə əlaqəli olduğunu iddia edib.
“Mediafax” xəbər agentliyi həmin gün Rumıniyanın şərqində yaşayış binasına pilotsuz uçuş aparatının düşdüyünü bildirib. Məlumata görə, aparatın binaya çırpılması nəticəsində partlayış baş verib. Mənzillərdən birində yanğın olub, iki nəfər xəsarət alıb.
İzmedia.az
