Kompakt Lexus UX300h krossoveri yalnız Yaponiyanın daxili bazarında təklif olunacaq Shining Essence adlı yeni xüsusi komplektasiya ilə təchiz edilib.
Shining Essence xüsusiyyətləri tamamilə stilistikdir. Bu komplektasiyada radiator barmaqlığı və faraların daxili elementləri gümüş rəngdədir. Təkər tağlarının uzantıları kuzov rəngindədir və 18 düymlük yüngül lehimli disklər metal örtüyə malikdir.
Drom.ru saytının məlumatına görə, Lexus tarixində ilk dəfə olaraq salondakı dekorativ panellər “çoxqatlı torlu quruluşa” malikdir. Oturacaqlar perforasiya olunmuş süni dəri ilə örtülüb.
Ön oturacaqlar standart olaraq ventilyasiya və isitmə sistemləri ilə təchiz olunub. Bundan əlavə, digər xüsusiyyətlərlə yanaşı, ətraf görüntü kamerası sistemi (“şəffaf döşəmə” funksiyası ilə), baqaj qapısının elektriklə açılıb-bağlanması və rəngli proyeksiya displeyi mövcuddur.
Lexus UX300h-in hibrid sisteminə aşağıdakılar daxildir:
152 at gücü və 188 Nm fırlanma anı olan 2.0 litrlik M20A-FXS benzin mühərriki,
83 kVt (113 at gücü) və 206 Nm fırlanma anı olan 1VM elektrik mühərriki,
eCVT variatoru, litium-ion batareya.
Transmissiya sistemi: ön təkərli və ya tam ötürücülü.
İzmedia.az
