Türkiyə Prezidenti Rəcəb Tayyib Ərdoğan ölkəsinin turizm göstəriciləri və ikitərəfli iqtisadi əlaqələrə dair vacib bəyanatla çıxış edib. Türkiyə lideri bildirib ki, Rusiyadan gələn səyahətçilərin sayı sürətlə artaraq Almaniyanı geridə qoyub və Rusiya Türkiyəyə ən çox turist göndərən ölkələr siyahısında birinci yerə yüksəlib.
Türkiyə dövlət başçısı iki ölkə arasındakı turizm axınını yüksək qiymətləndirərək deyib: “Ölkəmizdə milyonlarla rusiyalı turisti salamlamaqdan mənunluq duyuruq. Başqa heç bir ölkə Türkiyəyə bu qədər turist göndərmir. Bildiyiniz kimi, əvvəllər bu sahədə Almaniya lider mövqedə dururdu, lakin hazırda Rusiya onu geridə qoyaraq birinci sıraya çıxıb”.
Səfər statistikası Rusiya Prezidenti Vladimir Putinin Ərdoğanla son görüşü zamanı da gündəmə gəlib. Rusiya lideri qeyd etmişdi ki, 2025-ci ilin yekunlarına əsasən Rusiyadan Türkiyəyə 7 milyona yaxın turist səyahət edib və bu dinamika artmaqda davam edir.
Ərdoğan həmçinin vurğulayıb ki, Moskva və Ankara arasında münasibətlər yalnız turizmlə məhdudlaşmır, iki dövlət energetika, ticarət, nəqliyyat və qarşılıqlı investisiyalar daxil olmaqla bir çox strateji sahələrdə səmərəli və çoxtərəfli əməkdaşlığı uğurla sürdürür.
İzmedia.az
