BMT-nin rəsmisi Sara Hendriks bildirib ki, dünyanın heç bir ölkəsində qadınlar və kişilər arasında tam hüquqi bərabərlik hələ təmin olunmayıb.
Hendriksin sözlərinə görə, zorakılıqdan qorunma, ailə hüququnda bərabərlik və ayrı-seçkilikdən qorunma sahələrində əldə edilən irəliləyişlər bir çox ölkədə təhlükə altındadır. Dünya ölkələrinin yarıdan çoxunda isə cinsi təcavüz razılığa əsasən müəyyən edilməyib.
O vurğulayıb ki, ölkələrin 74%-də uşaq nikahları hələ də qanunidir və 44%-də bərabər iş üçün bərabər əmək haqqı təmin edən qanun yoxdur. Hendriks qeyd edib ki, son iki ildə münaqişələrdən təsirlənən cinsi zorakılıq qurbanlarının 87%-i qadın və qızlardır.
“Çox vaxt cəzasızlıq hökm sürür. Bir çox qadın və qız bu cinayətlər barədə məlumat verməkdən qorxur”, – deyə BMT rəsmisi əlavə edib.
İzmedia.az
