Bazar ertəsi ABŞ fond indeksləri neft qiymətlərinin yüksəlməsi, istiqraz gəlirliliyinin artması və süni intellektin (Sİ) gələcəyinə dair narahatlıqlar fonunda enişlə bağlaması ilə diqqət çəkib.
Piyasalara təzyiq göstərən əsas amillər sırasında 10 illik ABŞ Xəzinədarlıq istiqrazlarının gəlirliliyinin 2023-cü ilin oktyabrından bu yana ilk dəfə 5%-i keçməsi dayanıb. Eyni zamanda investorlar ABŞ Federal Ehtiyat Sisteminin (FED) bu həftə baş tutacaq iclasında faiz dərəcələrini 25 bazis bəndi artıraraq 3,75-4% aralığına qaldıracağını gözləyirlər.
Sİ nəhənglərindən təhlükəsizlik xəbərdarlığı
Süni intellekt sektorundakı narahatlıqlar da texnologiya səhmlərinə mənfi təsir edib. “Anthropic” şirkətinin baş direktoru Dario Amodeinin həftəsonu təhlükəsizlik risklərinə görə tərtibatçıları tələsməməyə çağırmasını “OpenAI” rəhbəri Sem Altman və “xAI” rəhbəri İlon Mask da dəstəkləyib.
Birja indeksləri və şirkətlərin səhmlərindəki dinamika
-
Dow Jones Sənaye İndeksi: 0,29% azalaraq 52.421,20 bəndə düşüb. İndeksdə “Salesforce” (+4,7%), “McDonald’s” (+2%) və “Walt Disney” (+1,9%) yüksəldiyi halda, “Caterpillar” (-4,2%) və “Goldman Sachs” (-4%) ciddi dəyər itirib.
-
Standard & Poor’s 500: 0,48% enərək 7619,98 bənd təşkil edib.
-
Nasdaq Kompozit: 0,56% geriləyərək ticarət sessiyasını 26.186,41 səviyyəsində başa vurub.
Sektorlar üzrə texnologiya nəhənglərindən “Nvidia” 3,4%, “Amazon” 1,3%, “Tesla” 1,8%, “Oracle” 3,7% və “AMD” 4,4% ucuzlaşıb. Əksinə, “Alphabet” (+3,2%), “Microsoft” (+2%), “Adobe” (+5,3%), “CrowdStrike” (+13,9%) və brendlərini satmağı planlaşdıran “Colgate-Palmolive” (+1,3%) səhmlərində artım qeydə alınıb.
İzmedia.az
