ABŞ hərbi müstəntiqləri İranın Minab şəhərindəki qızlar məktəbinə edilən son hücumla bağlı araşdırma aparır və ilkin məlumatlara görə, Amerika qüvvələrinin məsuliyyət daşıdığı ehtimal olunur.
İzmedia.az bildirir ki, bu barədə “Reuters” agentliyi xəbər yayıb.
Agentliyin məlumatına görə, istintaqın nə qədər davam edəcəyi və müstəntiqlərin hansı dəlilləri topladığı hələ açıqlanmır.
İsrail mənbələri Reuters-ə bildiriblər ki, İsrail və ABŞ qüvvələri İrandakı hücumları həm coğrafi, həm də hədəf növünə görə bölüblər: İsrail İranın qərbində raket buraxılış məntəqələrinə zərbələr endirir, ABŞ isə cənubdakı dəniz hədəflərinə və bu obyektlərə hücum edir.
28 fevralda Tehran ABŞ və İsrailin İranın cənubundakı Minab şəhərində qızlar məktəbinə hücum etdiyini açıqlayıb. Hücum nəticəsində əksəriyyəti şagirdlər, valideynlər və müəllimlər olmaqla 165 nəfər həlak olub, 95 nəfər isə yaralanıb.
BMT-nin İnsan Hüquqları üzrə Ali Komissarı Volker Türk hücumla bağlı araşdırma aparılmasına çağırıb və məsuliyyətin hücumu həyata keçirən qüvvələrin üzərinə düşdüyünü vurğulayıb.
İzmedia.az
