İran ordusu Səudiyyə Ərəbistanındakı Şahzadə Sultan Hava Bazası və Bəhreyndə yerləşən ABŞ-ın 5-ci Donanması da daxil olmaqla, ABŞ və müttəfiqlərinin bölgədəki əsas obyektlərinə zərbələr endirildiyini açıqlayıb.
İzmedia.az-ın xəbərinə görə, İslam İnqilabı Keşikçiləri Korpusunun (İİKK) Xatəm əl-Ənbiya qərargahının nümayəndəsi bildirib ki, hücumlar raket və dronlardan istifadə edilməklə həyata keçirilib. Şahzadə Sultan Hava Bazasında Amerika kəşfiyyat təyyarələrinin yerləşdiyi və bazanın ABŞ hərbi mövcudluğunun mühüm mərkəzi olduğu iddia olunur. İranın açıqlamasına görə, obyekt sonradan ballistik raketlərlə vurulub.
Paralel olaraq, Husi hərəkatı ilə əlaqəli Yəmən Əl-Məsirah xəbər agentliyi Ben Qurion hava bazası yaxınlığında İsrailin “aerokosmik sənaye mərkəzi”nin hücuma məruz qaldığını bildirir. Mənbə qeyd edir ki, hücum üçün Arash-2 tipli hücum dronlarından istifadə edilib.
ABŞ və İsrail tərəfi hələlik hadisə ilə bağlı rəsmi açıqlama verməyib.
Bölgədə vəziyyət gərgin olaraq qalır və qarşılıqlı hücumlarla bağlı məlumatlar Yaxın Şərqdə münaqişənin daha da kəskinləşməsi ilə bağlı narahatlıqları artırır.
İzmedia.az
