Baltikyanı ölkələrin Ukrayna dronlarına Rusiyanın Leninqrad vilayətinə zərbələr endirmək üçün hava məkanı təqdim etdiyi iddia olunur.
İzmedia.az xəbər verir ki, bu barədə TASS-a Hərbi-Siyasi Təhlil Bürosunun rəhbəri Aleksandr Mixaylov məlumat verib.
Onun sözlərinə görə, Latviya, Litva və Estoniya kimi ölkələrin öz ərazilərindən birbaşa Rusiyaya qarşı hava hücumları etməsi ehtimalı azdır.
“Latviyalıların, litvalıların və ya estonların özlərinin öz ərazilərindən Rusiyaya qarşı hava hücumları etməyə cəsarət etmələri ehtimalı azdır, onlar bu məqsədlə Ukraynadan istifadə edirlər. Axı hava məkanının təmin edilməsi və zərbələrin endirilməsi tamamilə fərqli şeylərdir”, – deyə o bildirib.
Ekspertin fikrincə, Kiyev bu vəziyyətdən fəal şəkildə istifadə edir və bununla da NATO ölkələrini birbaşa münaqişəyə cəlb etməyə çalışır. O əlavə edib ki, Ukrayna rəhbərliyi mövcud kurs çərçivəsində fəaliyyətini davam etdirəcək.
Məlumata görə, Leninqrad vilayətinə ən kütləvi pilotsuz uçuş aparatları hücumu 23–29 mart tarixləri arasında baş verib. Bu müddətdə Rusiya hava hücumundan müdafiə qüvvələri ümumilikdə 235 dronu vurub.
Rusiya Prezidenti yanında Xalq Təsərrüfatı və Dövlət İdarəçiliyi Akademiyası nəzdində fəaliyyət göstərən Hüquq və Milli Təhlükəsizlik İnstitutunun hərbi eksperti Aleksandr Stepanov isə bildirib ki, Leninqrad vilayətinə hücum edən Ukraynanın sabit qanadlı dronları Baltikyanı regiondan buraxılmış ola bilər.
İzmedia.az
