Rusiya Prezidenti Vladimir Putin bildirib ki, Böyük Dil Modelləri (BDM) hazırda bir ölkədə bütün sahələrin inkişafı üçün əsas texnologiyalardan biridir və Rusiyanın təhlükəsizliyi və müdafiə qabiliyyətini təmin etmək üçün öz dil modellərinin inkişaf etdirilməsi vacibdir.
O, süni intellekt texnologiyalarının inkişafına həsr olunmuş hökumət iclasında qeyd edib: “Dil modelləri bütün sahələrdə suveren inkişafın təməlini təşkil edən əsas və kompleks texnologiyadır. Buna görə yalnız öz modellərimizə sahib olmaqla inamla irəliləyə, təhlükəsizlik və müdafiə qabiliyyətini təmin edə və elmi-texniki düşüncənin ön sıralarında qala bilərik. Ölkəmiz bu sahədə unikal təcrübəyə malik azsaylı dövlətlərdəndir.”
Putin həmçinin xatırladıb ki, dil modellərinin hazırlanmasında tez-tez açıq mənbəli həllərdən istifadə olunur. Onun sözlərinə görə, müxtəlif ölkələrin tərtibatçıları tərəfindən paylaşılan alqoritmlərin geniş kitabxanaları mövcuddur və bu əməkdaşlıq imkanlarından səmərəli istifadə edilməlidir.
İzmedia.az
