ABŞ prezidenti Donald Trump “Truth Social” platformasında yazdığı açıqlamada Vaşinqtonun zərurət yaranarsa İtaliyaya yardım etməyəcəyini bildirib.
Ağ Ev rəhbəri qeyd edib: “İtaliya bizə kömək etməyib və biz də onlara kömək etməyəcəyik”.
O, The Guardian qəzetinin ABŞ təyyarələrinin Siciliyadakı Siqonella hava bazasına girişinin rədd edilməsi ilə bağlı iddialarını şərh edib.
Corriere della Sera mənbələrinə görə, ABŞ bombardmançı təyyarələri Yaxın Şərqə uçuşdan əvvəl bazaya enmək istəyib, lakin onlara icazə verilməyib. Bildirilir ki, müraciət proseduru silahlı təyyarələr üçün tələb olunan parlament təsdiqi baxımından yetərli sayılmayıb.
ABŞ və İtaliya 1950-ci illərin sonlarında imzalanan müqavilələrə əsasən, Siqonella kimi bazalar əsasən logistika və təlim məqsədləri üçün istifadə olunur və döyüş əməliyyatlarında tranzit mərkəzi kimi istifadəyə məhdudiyyətlər mövcuddur.
İzmedia.az
