Sülh danışıqlarının nəticəsiz qalmasından sonra ABŞ və İran arasında gərginliklə bağlı yeni məlumatlar yayılıb.
Məlumatlara görə, Küveytdə İran İnqilab Keşikçiləri ilə əlaqəli olduğu iddia edilən dörd silahlı şəxs həbs edilib.
CNN-in mənbələrə istinadən yaydığı xəbərdə bildirilir ki, ABŞ Prezidenti Donald Trampın İranla bağlı növbəti addım barədə bu gün qərar verməsi gözlənilir.
İran tərəfi isə Trampa cavab olaraq “qələbə ilə Pekinə eniş etməyəcək” kimi sərt bəyanat səsləndirib. Eyni zamanda CNN Trampın vəziyyətə nəzarəti itirə biləcəyi və müharibəyə qayıdış ehtimalının artdığı barədə iddialar irəli sürüb.
“The Wall Street Journal” (WSJ) isə Birləşmiş Ərəb Əmirliklərinin İrana qarşı gizli hərbi əməliyyatlarda iştirak etdiyi barədə məlumat yayıb.
Məlumata görə, ABŞ-da keçirilən təhlükəsizlik sammitinin əsas gündəm mövzusu da İran olub. İran tərəfi isə bu görüşlərə münasibət bildirərək “onlar təəccüblənəcəklər” açıqlamasını verib.
ABŞ Prezidenti Donald Tramp isə açıqlamasında “barışıq maşınların üzərindədir” ifadəsini işlədib.
Son məlumata əsasən, İran ABŞ-ın sülh təklifini rədd edib, eyni zamanda Tramp da Tehranın qarşı təklifini qəbul etməyib. Bu isə danışıqların tam dalana dirəndiyini göstərir.
İzmedia.az
