ABŞ Prezidenti Donald Tramp İrana qarşı hərbi əməliyyatların davam etdiriləcəyini açıqlayıb və Tehranın “hərbi məhvini” administrasiyasının əsas nailiyyətlərindən biri kimi qiymətləndirib.
Trampın “Truth Social” sosial şəbəkəsində yayımladığı bəyanatda bildirilir ki, ABŞ “Tramp administrasiyasının 16 təsirli ayı” ərzində dünyaya “inanılmaz irəliləyiş” nümayiş etdirib.
Administrasiyasının uğurları sırasında o, “Venesueladakı hərbi qələbəni və inkişaf edən münasibətləri, eləcə də İranın hərbi məhvini” qeyd edib.
İranla bağlı açıqlamasında Tramp “davamlılıq olacaq” ifadəsini işlədərək hərbi əməliyyatların davam etdiriləcəyinə işarə edib.
ABŞ prezidenti həmçinin bildirib ki, Çin Prezidenti Si Cinpin onu qısa müddətdə əldə etdiyi mühüm nailiyyətlər münasibətilə təbrik edib.
Tramp vurğulayıb ki, iki il əvvəl, Co Baydenin prezidentliyi dövründə ABŞ “tənəzzülə uğrayan ölkə” vəziyyətində idi.
O, çıxışının sonunda qeyd edib: “Mən bu məsələdə Prezident Si Cinpinlə tamamilə razıyam. Amma hazırda ABŞ dünyanın ən cəlbedici ölkəsidir və ümid edirəm ki, Çinlə münasibətlərimiz əvvəlkindən daha güclü və daha yaxşı olacaq”.
İzmedia.az
