Bu qarşılaşma mövsümün son ev oyunu olacaq və əvvəlki “Atalanta” matçında yaşanan gərgin atmosferdən tam fərqlənəcək. Həmin oyunda “Milan” 0:3 hesabı ilə məğlub olmuş, azarkeşlər etiraz edərək tribunaları tərk etmişdilər.
Azarkeşlər üçün mövsümün son ev dəstəyi
Bu oyun “Milan” azarkeşləri üçün doğma meydanda son 90 dəqiqəlik dəstək imkanı olacaq. Qarşılaşmanın həm də bir növ bayram atmosferində keçəcəyi gözlənilir. Eyni zamanda, klubdan ayrılması ehtimal olunan bəzi futbolçularla (Fofana, Tomori və ya Leaou) vidalaşma imkanı kimi də dəyərləndirilir. Azarkeşlər həmçinin Luka Modriçi daha bir mövsüm klubda qalmağa çağıracaqlar.
Modriçin gələcəyi gözlənilir
İtaliya mediasının yazdığına görə, Luka Modriçin “Milan”la müqaviləsində əlavə bir mövsüm uzadılma imkanı var. Klubun Çempionlar Liqasına vəsiqə qazanması bu qərarda əsas rol oynaya bilər.
Məlumata görə, 38 yaşlı yarımmüdafiəçinin əsas motivasiyası karyerasını Avropanın ən yüksək səviyyəli turnirlərində başa vurmaqdır. “San Siro”da qalması ona Çempionlar Liqasında bir mövsüm daha oynamaq imkanı verə bilər.
Çempionlar Liqasına vəsiqə uğrunda mübarizə
“Milan” 21 martdan bəri “San Siro”da qələbə qazana bilməyib. Komanda bu müddətdə “Udineze” və “Atalanta”ya qarşı ağır məğlubiyyətlər alıb, “Yuventus”la isə heç-heçə edib.
Çempionlar Liqasına vəsiqəni riyazi olaraq təmin etmək üçün “Milan” son turda qələbə qazanmalıdır.
İzmedia.az
