Böyük Britaniya Rusiya neftindən istehsal olunan dizel və kerosinin idxalına icazə verib. Bu qərar aviaşirkətlərə və ev təsərrüfatlarına mənfi təsir göstərən yanacaq qiymətlərinin artması fonunda sanksiyaların yumşaldılması kimi qiymətləndirilir.
ABŞ isə bu həftənin əvvəlində dənizdə saxlanılan Rusiya neftini almaq üçün yeni 30 günlük icazə verib. Bildirilir ki, “enerji baxımından həssas” ölkələr iyunun ortalarınadək Rusiya mənşəli neft ala biləcəklər. ABŞ Maliyyə naziri Skott Bessent X sosial şəbəkəsində paylaşımında bu icazənin fiziki neft bazarının sabitləşməsinə kömək edəcəyini qeyd edib.
Böyük Britaniyanın yeni lisenziyası isə dünən verilib və Rusiya neftindən emal olunan dizel və kerosinin üçüncü ölkələrə idxalına icazə verir. Bununla belə, şirkətlər üçün ciddi şərtlər, o cümlədən detallı uçot aparılması öhdəliyi nəzərdə tutulur.
İcazə bu gündən qüvvəyə minib və onun müddəti ilə bağlı konkret limit müəyyən edilməyib.
İzmedia.az
