Meksikanın Jalisco ştatının Puerto Vallarta şəhərində baş verən iğtişaşlar zamanı həbsxanadan 20-dən çox məhbus qaçıb.
İzmedia.az bildirir ki, bu barədə NMas telekanalı məlumat yayıb.
İctimai Təhlükəsizlik üzrə Dövlət Katibi Xuan Pablo Hernandezin sözlərinə görə, iğtişaş zamanı məhbusların silahlı əlbirləri həbsxana binasına atəş açıb, daha sonra avtomobillə darvazalara çırpılaraq qaçışa şərait yaradıblar. Baş verən atışmada bir mühafizəçi ölümcül yaralanıb.
Hakimiyyət orqanları 23 nəfərin saxlanılması üçün order verib və onların məlumatları federal hüquq-mühafizə strukturlarına ötürülüb.
Hadisələr ölkənin ən güclü narkotik qruplaşmalarından biri olan Jalisco New Generation Cartel-in lideri Nemesio Oseguera Cervantes (El Mencho) təhlükəsizlik qüvvələrinin xüsusi əməliyyatı zamanı öldürüldükdən sonra başlayıb. Onun zərərsizləşdirilməsi xəbəri yayıldıqdan sonra Xaliskoda və ən azı səkkiz digər ştatda iğtişaşlar qeydə alınıb – yollar bağlanıb, avtomobillər yandırılıb, mağazalar talan edilib.
Gərginlik fonunda Guadalajara və Puerto Vallarta hava limanları müvəqqəti bağlanıb, təhlükəsizlik tədbirləri gücləndirilib. United States Embassy in Mexico ABŞ vətəndaşlarını təhlükəsiz yerlərə sığınmağa çağırıb. Xarici vətəndaşlar arasında itkilərlə bağlı rəsmi məlumat verilməyib.
İzmedia.az
