Fransa Prezidenti Emmanuel Makron İraqın Ərbil bölgəsində pilotsuz təyyarə hücumu nəticəsində bir fransız əsgərinin öldüyünü, bir neçə əsgərin isə yaralandığını açıqlayıb.
İzmedia.az xəbər verir ki, bu barədə Makron Twitter-də yazıb ki, “2015-ci ildən bəri İŞİD-ə qarşı mübarizədə iştirak edən qüvvələrimizə qarşı bu hücum qəbuledilməzdir”.
Fransa ordusunun məlumatına görə, hücum İtaliya bazasına edilən hücumdan bir neçə saat sonra baş verib, nəticədə altı fransız əsgəri yaralanıb. Ərbil qubernatoru Omed Koşnov bildirib ki, hadisə Mahmur rayonunda baş verib. İtaliya Müdafiə Nazirliyi hücumun NATO qoşunlarının yerləşdiyi obyektə yönəldiyini təsdiqləyib.
Makron əlavə edib ki, Fransa əsgərlərinin İraqdakı mövcudluğu terrorizmə qarşı beynəlxalq koalisiyanın bir hissəsi olaraq tamamilə qanunidir və İranla münaqişə bu hücumu haqlı çıxara bilməz.
Hücumlara cavab olaraq, Fransa müttəfiqlərinə müdafiə dəstəyinin bir hissəsi olaraq Aralıq dənizinə, Qırmızı dənizə və ehtimal ki, Hörmüz boğazına təyyarədaşıyan zərbə qrupu göndərir.
İzmedia.az
