Vaşinqton administrasiyası məcburi əməkdən istifadə olunmaqla istehsal olunan malların idxalı ilə bağlı ticarət araşdırmaları aparır.
İzmedia.az xəbər verir ki, bunu ABŞ Ticarət Nümayəndəliyi 12 mart tarixli açıqlamasında bildirib.
Departament qeyd edib ki, araşdırmalar təxminən altı ölkəyə və Avropa İttifaqına yönəlib və məqsəd ABŞ ticarətinə mənfi təsirlərin olub-olmadığını müəyyən etməkdir. Yoxlamalar 1974-cü il Ticarət Qanununun 301-ci maddəsi əsasında başlanıb. Bu maddə ABŞ prezidentinə digər ölkələrin milli ticarət məhdudiyyətlərinə qarşı tədbir görmək səlahiyyəti verir.
Siyahıda xüsusilə Argentina, Avstraliya, Braziliya, Böyük Britaniya, Hindistan, İndoneziya, Kanada, Çin, Meksika, Rusiya, Səudiyyə Ərəbistanı, Türkiyə, Cənubi Afrika, Cənubi Koreya və Yaponiya yer alıb. ABŞ administrasiyası bütün ölkələrlə məsləhətləşmələrin aparılmasını tələb edir.
