Belarus Prezidenti Şimali Koreya lideri Kim Çen Inla danışıqlarda bildirib ki, Belarus və Şimali Koreya arasındakı münasibətlər hərtərəfli inkişafında prinsipcə yeni mərhələyə qədəm qoyur.
İzmedia.az xəbər verir ki, o, iki ölkə arasında böyük məsafənin olmasına baxmayaraq, Belarus və Şimali Koreya xalqlarının vətənpərvərlik, tarixi yaddaşın qorunması və yaşlı nəslə dərin hörmət kimi ortaq dəyərləri paylaşdığını vurğulayıb.
“Ölkələrimiz arasında hələ sovet dövründə qurulan dostluq münasibətləri heç vaxt kəsilməyib. Bu gün hərtərəfli inkişafın nəticəsi olaraq biz prinsipcə yeni bir mərhələyə qədəm qoyuruq. Uzun bir gecikmə ilə irəliləyirik”, – deyə o, bildirib.
Koreya Mərkəzi Xəbər Agentliyinin (KCNA) daha əvvəl verdiyi məlumata görə, Şimali Koreya lideri səfərdə olan Belarus prezidenti ilə Pxenyandakı Kim İr Sen meydanında keçirilən qarşılanma mərasimində görüşüb.
Agentliyin məlumatına görə, Belarus nümayəndə heyətinə Baş nazirin müavini Yuri Şuleyko, xarici işlər naziri Maksim Rıjenkov, səhiyyə naziri Aleksandr Xocayev, təhsil naziri Andrey İvanets və sənaye naziri Andrey Kuztensov daxildir.
İzmedia.az
