Bir çox insanın mətbəx dəsmalını sobanın sapına asmaq vərdişi praktik görünsə də, yanğınsöndürmə mütəxəssisləri bunun təhlükəli ola biləcəyi barədə xəbərdarlıq edib.
The Kitchn yazır ki, Nikolay Allen bu vərdişin risklərini izah edib.
Allen bildirib ki, mətbəx dəsmalları tezalışan materialdır və yanğın təhlükəsizliyi qaydalarına əsasən bütün tezalışan əşyalar istilik mənbələrindən uzaqda saxlanmalıdır. Onun sözlərinə görə, sobanın sapına asılan dəsmal görünüşdə zərərsiz olsa da, istilik zonasına çox yaxın yerləşir.
Mütəxəssis qeyd edib ki, soba istifadə edilməsə belə, qalıq istilik ventilyasiya və qapı hissələrindən yayıla bilər. Bu isə zamanla parçanın isinməsinə, qurumasına və alovlanma riskinin artmasına səbəb ola bilər. Yağlı dəsmallarda risk daha da yüksəlir.
Allen əlavə edib ki, bütün soba növləri – elektrik və qaz modelləri – müəyyən təhlükə daşıyır və sobanın üzərinə parça asmaq təhlükəsiz sayılmır.
Mütəxəssis mətbəx dəsmallarının sobadan və plitədən uzaqda, qarmaqlarda, divar asqılarında və ya xüsusi çekmecələrdə saxlanmasını tövsiyə edir.
İzmedia.az
