Cənubi Koreyanın Uivanq şəhərində çoxmənzilli yaşayış binasında baş verən yanğın nəticəsində 2 nəfər ölüb, 6 nəfər yaralanıb.
izmedia.az xəbər verir ki, hadisə Seul yaxınlığında yerləşən 20 mərtəbəli binanın 14-cü mərtəbəsində yerli vaxtla saat 10:30 radələrində qeydə alınıb.
Məlumata görə, hadisə yerinə çoxsaylı yanğınsöndürmə və təcili tibbi yardım briqadaları cəlb olunub. Yanğın təxminən iki saat ərzində söndürülüb.
Nəticədə 2 nəfər həyatını itirib, 6 nəfər müxtəlif dərəcəli xəsarətlər alıb.
Faktla bağlı araşdırma aparılır.
