ABŞ ilə İran arasında gərgin diplomatik danışıqlar yenidən dünya gündəminə çevrilib. İranın xarici işlər naziri Abbas Araghchi BMT Baş katibi António Guterres ilə danışığında Vaşinqtonu “diplomatiyaya xəyanətdə” ittiham edib və danışıqların çökdüyünü bildirib. Buna cavab olaraq Donald Trump isə Truth Social platformasında “razılaşmanın böyük ölçüdə hazır olduğunu” yazıb.
Məlumata görə, tərəflər arasında 60 günlük müvəqqəti razılaşma layihəsi hazırlanıb. Layihədə Hörmüz boğazının mərhələli şəkildə açılması, İran neftinin yenidən bazara çıxarılması və bəzi sanksiyaların yumşaldılması nəzərdə tutulur. Ən böyük mübahisə mövzusu isə İranın yüksək zənginləşdirilmiş uran ehtiyatlarıdır.
Tramp bildirib ki, razılaşma əldə olunmasa, ABŞ “çox güclü addımlar” ata bilər. İran isə təzyiqlərə baxmayaraq öz mövqeyindən tam geri çəkilmədiyini göstərir.
Ekspertlərin fikrincə, hazırda üç əsas ssenari mümkündür: məhdud razılaşma, gərginliyin müvəqqəti dondurulması və ya yeni hərbi eskalasiya. Xüsusilə Hörmüz boğazı ətrafında vəziyyət dünya neft bazarına ciddi təsir göstərə bilər.
