Rusiya Prezidenti Vladimir Putinin Qazaxıstana diplomatik protokol üzrə ən yüksək statuslu dövlət səfəri həyata keçirəcəyi bildirilib.
Diplomatik qaydalara əsasən, prezidentlik müddətində bir ölkəyə yalnız bir rəsmi dövlət səfəri nəzərdə tutulur. Bu tip səfərlər xüsusi protokol, yüksək səviyyəli mərasimlər və adətən bir neçə gün davam edən proqramla müşayiət olunur.
Rusiya Prezidentinin köməkçisi Yuri Uşakov bildirib: “Bu səfər Putinin Qazaxıstana ikinci dövlət səfəridir. Qazaxıstanlı tərəfdaşlarımızın təşəbbüsü ilə bu addım iki ölkə arasında misli görünməmiş yüksək səviyyəli münasibətləri vurğulayır”.
Məlumata görə, Putinin Astanaya səfəri mayın 27-dən 29-dək davam edəcək və AİB sammiti — Ali Avrasiya İqtisadi Şurasının iclası ilə üst-üstə düşəcək.
Səfərin ilk günündə Qazaxıstan Prezidenti Kasım-Jomart Tokayev Putini hava limanında qarşılayacaq. Daha sonra liderlərin prezident iqamətgahında qeyri-rəsmi, təkbətək nahar görüşü keçirməsi planlaşdırılır.
Qeyd olunur ki, son yeddi ilə yaxın dövrdə Putin və Tokayev arasında bu, 39-cu şəxsi görüş olacaq.
İzmedia.az
