ABŞ Dövlət Departamentinin məlumatına görə, ABŞ zəlzələdən sonra Venesuelaya 150 milyon dollar, o cümlədən yerdə işləyən humanitar qruplara 50 milyon dollar və BMT-nin Humanitar İşlər üzrə Koordinasiya Ofisinə (OCHA) 100 milyon dollar ayıracaq.
Dövlət Departamenti həmçinin axtarış-xilasetmə əməliyyatlarında ixtisaslaşmış iki komandadan ibarət Fəlakətlərə Qarşı Mübarizə Qrupunu Venesuelaya göndərir.
Müdafiə Nazirliyi onlara lazımi dəstəyi verəcək.
Departament eyni zamanda dövlət və özəl sektorların hərəkətlərini əlaqələndirmək üçün əməliyyat qrupu yaradıb.
Venesuelada zəlzələ 24 iyun axşamı baş verib. Təxminən 40 saniyə ara ilə 7,2 və 7,5 bal gücündə iki seriya zəlzələ qeydə alınıb. Onların episentrləri Venesuelanın Yaracuy əyalətində 10 km aralıda yerləşirdi. Son məlumatlara görə, ölənlərin sayı ən azı 188 nəfərə çatıb.
Onlarla bina dağılıb. Venesuela hakimiyyəti fövqəladə vəziyyət elan edib. Ölkə hökuməti sahil əyaləti olan La Quayranı fəlakət zonası elan edib.
İzmedia.az
