Monako Şahzadəsi II Albert iyunun 30-da ölkə tarixində bir neçə nəfərin yaralanmasına səbəb olan ilk terror aktını pisləyib.
“Monakodakı cinayətkar partlayış knyazlığın bütün sakinləri üçün şok oldu”, – deyə knyazlıq sarayının İnstaqram səhifəsində dərc olunmuş rəsmi açıqlamada bildirilir.
Bundan əlavə, şahzadə qurbanlara başsağlığı verib, eləcə də ictimai təhlükəsizlik xidmətlərinin işini yüksək qiymətləndirib. II Albert vurğulayıb ki, hökumətin əmri ilə Fransa hakimiyyəti ilə əməkdaşlıq edən bütün müvafiq dövlət xidmətləri səfərbər edilib.
Monakoda üç nəfərin yaralanması ilə nəticələnən partlayış iyunun 29-da baş verib. Müşahidə kameralarının qeydə aldığı kimi, digər insanların binaya girdiyi anda bel çantasını binanın girişində qoymuş bir kişi var. Monakoda baş verən partlayışın qurbanlarından biri ukraynalı iş adamı Vadim Yermolayevdir.
Hadisə ilə əlaqədar olaraq, Monakoda cinayətkarlar üçün xüsusi (“qırmızı”) axtarış səviyyəsi elan edilib. Ölkənin bütün giriş-çıxışları gücləndirilmiş nəzarət altındadır və istintaq əməliyyatları davam edir.
İzmedia.az
