Çində istifadəyə verilən Wangfu platforması it sahiblərinə ev heyvanlarını saatlıq gəzintiyə verməyə imkan yaradır. Xidmət bu il Pekin, Şanxay və Şençjendə istifadəyə verilib.
Platformada itlərin gəzintiyə çıxarılması üçün qiymətlər saatda 10-60 yuan arasında dəyişir. İstifadəçilər və sahiblər şəxsiyyət təsdiqindən keçir, ev heyvanları sığortalanır, marşrut isə GPS vasitəsilə izlənilir. Gəzintilər itin tanış olduğu ərazilərdə təşkil olunur.
Bəzi sahiblər əlavə şərtlər də qoyurlar. Məsələn, Şençjendə yaşayan Even adlı Vest Haylend terrieri yalnız sahibinin iştirakı ilə gəzdirilə bilər və ona əvvəlcədən razılaşdırılmamış yemək vermək qadağandır. Baiwan adlı korqi cinsindən olan itin isə avtomobildə gəzdirilməsinə icazə verilir.
Baytarlar bu xidmətin heyvanların psixoloji vəziyyətinə mənfi təsir göstərə biləcəyini bildirirlər. Uhandan olan baytar Çen Şinin sözlərinə görə, baxıcıların və mühitin tez-tez dəyişməsi itlərdə emosional stress yarada bilər.
Qeyd edək ki, Çində ev heyvanlarının icarəsi modeli yeni deyil. 2021-ci ildə Çendu şəhərində fəaliyyətə başlayan pişiklərin gündəlik icarəsi xidməti sahiblərin etirazından sonra qısa müddətdə bağlanmışdı. Yeni platforma da sosial şəbəkələrdə birmənalı qarşılanmayıb. Bəzi istifadəçilər bunu heyvan sahiblənmək istəyənlər üçün imkan hesab etsələr də, digərləri ev heyvanlarının gəlir mənbəyinə çevrilməsini qəbuledilməz sayırlar.
İzmedia.az
