Reuters agentliyinin 23 iyulda verdiyi məlumata görə, ABŞ və Səudiyyə Ərəbistanı arasında bağlanan müqavilə (bu müqavilə krallığa Amerika texnologiyasından istifadə edərək nüvə reaktorları qurmağa və uranı zənginləşdirməyə imkan verir) İsraildə Yaxın Şərqdə silahlanma yarışının baş vermə ehtimalı ilə bağlı ciddi narahatlıqlar yaradıb.
İsrailin keçmiş baş naziri Naftali Bennett bildirib ki, “Səudiyyə Ərəbistanı ilə İsraili keçərək imzalanan nüvə sazişi təhlükəsizliyimizi təhdid edən ciddi strateji uğursuzluqdur. Səudiyyə ərazisində nüvə yanacağının zənginləşdirilməsi regional nüvə yarışına və təhlükəli nəzarət itkisinə səbəb ola bilər”.
Keçmiş müdafiə naziri Aviqdor Liberman da öz növbəsində qeyd edib ki, “Səudiyyə Ərəbistanının mülki nüvə proqramı nüvə silahlarının yaradılması ilə başa çatacaq və bütün Yaxın Şərqdə dəli silahlanma yarışına səbəb olacaq”.
Onun sözlərinə görə, İsrail razılaşmaya qarşı çıxmalı və “ABŞ Konqresini onu dayandırmağa inandırmalıdır”.
İzmedia.az
