Türkiyə Prezidenti Rəcəb Tayyib Ərdoğan bildirib ki, Ankara Kipr türklərinə dəstəyini davam etdirəcək və tanınmamış “Şimali Kipr Türk Respublikası”nda yeni infrastruktur layihələri həyata keçirəcək. Bu barədə “Anadolu” agentliyi məlumat yayıb.
Hökumət iclasından sonra Ərdoğan vurğulayıb ki, Şərqi Aralıq dənizində Kipr türklərinin “suveren bərabərliyini, hüquqlarını və qanuni maraqlarını” görməzdən gələn heç bir təşəbbüs uğur qazana bilməz.
O, həmçinin bildirib ki, Türkiyə Kipri yeni hərbi ittifaqlara və geosiyasi layihələrə daxil etmək cəhdlərini yaxından izləyir.
Ərdoğan bildirib ki, “Türkiyə heç vaxt Kipr türk qardaşlarını tərk etməyəcək və nəyin bahasına olursa olsun, keçmişin faciələrinin təkrarlanmasına imkan verməyəcək”.
Onun sözlərinə görə, Ankara işğal olunmuş Şimali Kiprin infrastrukturuna irimiqyaslı investisiyaları davam etdirəcək. Xüsusilə, adanın su ilə təmin edilməsi layihəsi başa çatdıqdan sonra hakimiyyət sualtı qaz kəməri çəkmək niyyətindədir.
İzmedia.az
