İran Parlamentinin spikeri Məhəmməd Bağır Qalibaf ABŞ-ın İrana qarşı tətbiq etdiyi iqtisadi və hərbi təzyiq siyasətinə münasibət bildirərkən Vaşinqtonun yeni administrasiya rəsmilərini sərt ifadələrlə hədəf alıb.
İran mətbuatının yaydığı məlumata görə, spiker ABŞ Maliyyə naziri Skott Bessent (Scott Bessent) və Müdafiə naziri (Pentaqon rəhbəri) Pit Heqsetin (Pete Hegseth) fəaliyyətini tam səriştəsizlik kimi qiymətləndirib.
-
Təzyiq siyasətinin iflası: Qalibaf Vaşinqtonun sanksiyalar və hərbi hədələri artırmaqla İrandan nüvə sazişi və digər razılaşmalardan kənar güzəştlər qoparmaq ümidində olduğunu, lakin bu yanaşmanın heç bir nəticə verməyəcəyini bildirib.
-
Vaşinqton rəsmilərinə sərt reaksiya: Ağ Evin təyinatlarını tənqid edən spiker deyib: “Amerikalılar düşünürlər ki, İrana təzyiqi artırmaqla razılaşmanın bir hissəsi olmayan güzəştlər əldə edəcəklər. ABŞ Maliyyə naziri Skott Bessent və Pentaqon rəhbəri Pit Heqset tamamilə səriştəsizdirlər. Bu təlxəklər komandasının papaqlarından dovşan çıxarıb yaratdıqları qarışıqlığı təmizləməsini gözləməyin”.
İran tərəfi ABŞ-ın birtərəfli təzyiqlərinə qarşı müqavimət xəttini sürdürəcəyini bir daha bəyan edib.
İzmedia.az
