İran Xarici İşlər Nazirliyinin sözçüsü Esmail Bagai təsdiqləyib ki, 14 sentyabrda keçirilməsi planlaşdırılan Körfəz ölkələri ilə görüşün Səudiyyə Ərəbistanının tələbi ilə ləğv edilməsi Yəməndə davam edən gərginliklə əlaqədardır.
“Bəli, düzdür. Görüş Səudiyyə Ərəbistanının xahişi ilə təxirə salınıb. Bu, hazırda onlarla Yəmən arasında baş verənlərlə bağlıdır”, – deyə o, həftəlik brifinqində bildirib.
Fars körfəzi ölkələrinin xarici işlər nazirlərinin görüşü sentyabrın 14-də Omanda keçirilməli idi. Sentyabrın 11-də İran Xarici İşlər Nazirliyinin rəsmi nümayəndəsi Esmail Bagai İran tərəfinin iştirakını təsdiqlədi. Onun sözlərinə görə, görüşdə regional məsələlərlə yanaşı, Hörmüz boğazında kommersiya gəmiçiliyi üçün təhlükəsiz marşrutların müəyyən edilməsi ilə bağlı İran-Oman danışıqlarının nəticələri də müzakirə olunmalı idi. Hörmüz boğazında gəmiçilik ABŞ-İran münaqişəsi səbəbindən 28 fevraldan bəri bloklanıb.
İzmedia.az
