Pekində beynəlxalq təhlükəsizlik və müdafiə məsələlərinə həsr olunmuş 13-cü Syanşan Beynəlxalq Təhlükəsizlik Forumunun açılışı olub. Çin Xalq Respublikası Müdafiə Nazirliyinin yaydığı məlumata görə, 15-17 sentyabr tarixlərində təşkil edilən möhtəşəm tədbirdə 100-ə yaxın ölkə, region və beynəlxalq təşkilatın rəsmi nümayəndə heyətləri iştirak edir.
Çin Müdafiə Nazirliyinin rəsmi nümayəndəsi Çjan Binin bildirdiyinə görə, foruma qatılan 60-dan çox nümayəndə heyətinə müdafiə idarələrinin rəhbərləri və ya Silahlı Qüvvələrin baş qərargah rəisləri başçılıq edir. O vurğulayıb ki, forumun geniş coğrafi əhatə dairəsi və yüksək təmsilçilik səviyyəsi tədbirin dəyişməz açıqlıq və inklüzivlik prinsiplərinə sadiqliyini nümayiş etdirir.
Yubiley tədbiri və hərbi diplomatiya
2026-cı ildə 20 illik yubileyini qeyd edən Syanşan Forumu artıq Çin hərbi diplomatiyasının vizit kartına çevrilib. Təşkilatçılar bildirirlər ki, bu ilki forum keçmişlə gələcək arasında birləşdirici körpü rolunu oynamaqla xüsusi əhəmiyyət kəsb edir. Rəsmi bəyanatda vurğulanır ki, Pekin Syanşan Forumu yarandığı gündən bərabərlik, açıqlıq, inklüzivlik və təcrübə mübadiləsi ruhunu rəhbər tutaraq dialoqu və təcrübə bölgüsünü daim inkişaf etdirib.
Tədbirdə iştirak etmək üçün Ermənistanın müdafiə naziri Suren Papikyan da Çinə işgüzar səfərə gəlib.
İzmedia.az
