ABŞ Prezidenti Donald Tramp BMT Baş Assambleyasındakı çıxışı zamanı mərhum senator Lindsi Qrehemin adını daşıyan “Rusiya və İran Sanksiyaları Qanunu” çərçivəsində verilən geniş səlahiyyətlərdən istifadə etməyə hazır olduğunu bildirib. ABŞ dövlət başçısı qanunun Rusiyadan enerji resursları almağa davam edən ölkələrə yüksək tariflər tətbiq etmək imkanı verdiyini və müharibəni dayandırmaq üçün zərurət yarandığı halda bu addımı atacağını vurğulayıb.
Tramp çıxışında Vaşinqtonun münaqişəyə son qoymaq məqsədilə Rusiya və Ukrayna liderləri ilə sıx əməkdaşlıq etdiyini və sülhün gözləniləndən daha tez əldə oluna biləcəyini qeyd edib. O, həmçinin köçkün düşmüş ukraynalı və rus uşaqlarının ailələrinə qaytarılması istiqamətindəki fəaliyyətinə görə Birinci xanım Melaniya Trampa təşəkkürünü bildirib.
Sentyabrın 18-də imzalanan “Lindsi O. Qrehem adına 2026-cı il Rusiya və İran Sanksiyaları Qanunu” Moskvaya qarşı iqtisadi təzyiqləri artırmağı, xüsusilə enerji, müdafiə sektorlarını və “kölgə donanması”nı hədəf almağı nəzərdə tutur.
İzmedia.az
