ABŞ Prezidenti Donald Tramp Montana ştatında tərəfdarları qarşısında çıxış edərkən bildirib ki, Demokratlar Partiyası qarşıdan gələn ara seçkilərdə qalib gələrsə, ölkədə “qaranlıq dövrlər” başlanacaq. Ağ Ev rəhbəri vurğulayıb ki, onun administrasiyasının fəaliyyəti sayəsində ABŞ sərhədləri tarixən heç vaxt olmadığı qədər təhlükəsiz və keçilməz vəziyyətə gətirilib, lakin müxalifətin hətta cüzi üstünlüklə qələbəsi ölkəni qaranlıq keçmişə qaytaracaq. Tramp ştat sakinlərinə inandığını və onların hadisələrin bu ssenari üzrə inkişafına imkan verməyəcəklərini qeyd edib.
Noyabrın 3-də keçiriləcək ara seçkilərdə amerikalı seçicilər Nümayəndələr Palatasının tam yeni tərkibini formalaşdıracaq, həmçinin Senatdakı 35 mandatın taleyini müəyyənləşdirəcəklər. Hazırda Respublikaçılar Partiyası Konqresin hər iki palatasında cüzi çoxluğa sahibdir. Seçkilərin nəticələri ölkənin daxili və xarici siyasət kursunun gələcək istiqamətini müəyyənləşdirmək baxımından həlledici əhəmiyyət kəsb edir.
İzmedia.az
