ABŞ Maliyyə Nazirliyinin açıqladığı məlumatlara görə, Çinin ehtiyatlarındakı ABŞ dövlət istiqrazları avqust ayında bir əvvəlki aya görə 27,3 milyard dollar azalaraq 590,7 milyard dollara çatıb.
izmedia.az xəbər verir ki, ehtiyatlarında ABŞ-ın ən çox borcu olan 3-cü ölkə olan Çinin aktivləri 573,7 milyard dollar olaraq qeyd olunduğu 2008-ci ilin avqustundan bu yana ən aşağı səviyyəyə düşüb.
Xarici ölkələrin ehtiyatlarında olan ABŞ dövlət istiqrazları iyulda 9,25 trilyon dollardan avqustda 9,33 trilyon dollara yüksəlib.
Ehtiyatlarında ən çox ABŞ borcu olan Yaponiya 35,6 milyard dollar sataraq aktivlərini 1,07 trilyon dollara qədər azaldıb.
İngiltərə, Yaponiya və Çin satdı
Yaponiya və Çindən satışlara baxmayaraq, ABŞ istiqrazları Böyük Britaniyanın alışları ilə öz həcmini böyük ölçüdə saxladı.
Ehtiyatlarında ən çox ABŞ borcu olan 2-ci ölkə olan Böyük Britaniya, avqust ayında 180 milyard dollar dəyərində ABŞ istiqrazları satın alaraq aktivlərini 1,01 trilyon dollara yüksəldib.
4-cü yerdə olan Belçika 19,8 milyard dollarlıq alışla aktivlərini 490,5 milyard dollara, 5-ci yerdə olan Kanada isə 38,3 milyard dollarlıq alışla aktivlərini 464,6 milyard dollara yüksəldib.
Vaşinqtonun artan borcunun davamlılığı ilə bağlı narahatlıqlar səbəbindən son vaxtlar ABŞ istiqrazlarının dəyəri artıb.Avqustda ölkənin ümumi borcu 40 trilyon dollara çatdığı halda, 30 illik dövlət istiqrazlarının gəlirliliyi 5 faizi ötüb.
