Sankt-Peterburq və Leninqrad vilayəti Rusiyada Çin Xalq Respublikası (ÇXR) ilə iqtisadi əməkdaşlığın effektivliyinə görə ən uğurlu regionlar sırasında yer alıb.
Qiymətləndirmə Rus-Çin Dostluq, Sülh və İnkişaf Komitəsi, Stolıpin İqtisadi İnkişaf İnstitutu və “Peterburq Siyasəti” fondu tərəfindən hazırlanmış reytinq əsasında aparılıb. Nəticələrə görə, Moskva, Tatarıstan, Primorsk diyarı və bir sıra digər regionlar da liderlər siyahısına daxil edilib.
Mütəxəssislərin fikrincə, Çin şirkətləri hazırda Rusiyada iri sənaye layihələrinin əsas podratçıları kimi çıxış edir və mühüm avadanlıq tədarükündə vacib rol oynayır. Bu isə regionlar arasında investisiya cəlbi uğrunda rəqabəti daha da gücləndirir.
Rəsmi məlumatlara görə, 2025-ci ilin yekunlarına əsasən Çin Sankt-Peterburqun əsas beş beynəlxalq ticarət tərəfdaşı arasında sabit yerini qoruyub. Siyahıya həmçinin Hindistan, Türkiyə, Misir və Belarus da daxildir.
