Valideynlər, hətta övladları böyüyüb öz həyatlarını qurduqdan sonra belə, onlar üçün narahat olmağı dayandırmırlar. Atalar bu narahatlıqları hər zaman dilə gətirməsələr də, bir çoxu illər boyu övladlarının xoşbəxtliyi, təhlükəsizliyi və gələcəyi barədə düşünür. Onlar uşaqlarının müstəqil olmasını istəsələr də, bəzi məsələlər var ki, övladlarının yaşı neçə olursa-olsun, ataları daim düşündürür.
Köməyə ehtiyacınız olanda onlara müraciət edəcəksinizmi?
“YourTango” nəşrinin yazdığına görə, atalar övladlarının çətin vəziyyətə düşdükləri zaman yenə də onlara güvənib müraciət etmələrini istəyirlər. Onlar övladlarının müstəqilliyi ilə fəxr etsələr də, lazım gəldikdə dəstək ola bildiklərini hiss etmək onlar üçün vacibdir.
Həqiqətən xoşbəxtsinizmi?
Övladlar böyüdükcə atalar gündəlik xırda problemlərdən daha çox onların həyatlarından razı olub-olmadıqları ilə maraqlanırlar. Onlar övladlarının özlərini xoşbəxt edən seçimlər etməsini və mənalı həyat yaşamasını arzulayırlar.
Maliyyə baxımından güvəndəsinizmi?
Bir çox atalar yetkin yaşa çatmış övladlarının maliyyə sabitliyi ilə bağlı da narahatlığını davam etdirir. Maliyyə terapevti Neytan Astlenin sözlərinə görə, valideynlərin maliyyə dəstəyi nəzarət məqsədi daşımamalı, əksinə, övladların müstəqilliyini gücləndirməlidir. O qeyd edir ki, ailə daxilində pul bəzən sevgi və qayğının ifadəsinə çevrilə bilər.
İzmedia.az
