Donald Trump Ukraynaya dəstəyi davam etdirməyə və müharibəni dayandırmaq üçün Rusiyaya təzyiqi artırmağa hazır olduğunu bildirib. Bunun qarşılığında isə Avropa müttəfiqlərindən Hörmüz boğazının minalardan təmizlənməsində dəstək istəyib.
Bu barədə Politico məlumatlı mənbələrə istinadən yazıb. Məlumata görə, məsələ G7 Summit çərçivəsində keçirilən qapalı danışıqlarda müzakirə olunub.
Bildirilir ki, G7 liderləri boğazın təmizlənməsinə prinsipial etiraz etməsələr də, bunun müəyyən şərtlərlə mümkün ola biləcəyini vurğulayıblar. Emmanuel Macron bu addımın yalnız ABŞ-ın rəsmi müraciəti və İranla Omanın razılığı ilə mümkün olduğunu qeyd edib.
Razılıq əldə olunmasa da, Almaniya kansleri Friedrich Merz Trampla danışıqlardan sonra nikbin olduğunu bildirib.
Məlumata görə, Tramp eyni zamanda Rusiyanın neft sektoruna qarşı sərt sanksiyaların yenidən tətbiq oluna biləcəyini vurğulayaraq, Moskvanın razılığa gəlməli olduğunu deyib.
Bunun ardınca G7 ölkələri Rusiyaya enerji sektorunda sanksiyalar vasitəsilə təzyiqin artırılması ilə bağlı birgə bəyanat yayıb. Liderlər həmçinin Ukraynaya hava hücumundan müdafiə sistemləri, raket əleyhinə vasitələr və uzaqmənzilli silahların tədarükünü artırmaq barədə razılığa gəliblər.
İzmedia.az
