“The New York Times” (NYT) qəzetinin 2 iyul tarixli mənbələrə istinadən verdiyi məlumata görə, ABŞ administrasiyası İsrailin aprel ayında başlayan atəşkəs danışıqları zamanı İranın əsas danışıqçılarını aradan qaldırmağı planlaşdıra biləcəyindən qorxurdu.
Nəşr bildirir ki, “İranın yüksək vəzifəli liderlərinin sui-qəsdləri müharibənin əvvəlindən bəri İsrailin strategiyasının bir hissəsi olub. Lakin ABŞ-ın iki konkret İran rəsmisinin – İranın xarici işlər naziri Abbas Əraqçi və Parlamentin sədri Məhəmməd Bağır Qalibafın mümkün sui-qəsdləri ilə bağlı narahatlıqları aprel ayında başlayan həssas atəşkəs danışıqları zamanı kəskin şəkildə artıb”.
Qeyd olunur ki, münaqişənin ən gərgin dövründə Əraqçi və Qalibaf yüksək vəzifəli hökumət nümayəndələri kimi İsrailin İran rejimini dəyişdirmək cəhdlərində qanuni hədəf hesab edilə bilərdi.
Qəzetin məlumatına görə, aprel ayında ciddi danışıqların başlamasından sonra ABŞ belə bir sui-qəsd cəhdinin dialoqu pozacağına və hərbi əməliyyatların yenidən başlamasına səbəb olacağına inanırdı.
İzmedia.az
