Şəhər Səhiyyə Departamentinin yaydığı məlumata görə, Moskvada yaşayan 41 yaşlı qadın 15-ci dəfə ana olub.
Açıqlamada qeyd olunur:
“Avqust ayında Vera adlı qız uşağı dünyaya gəldi. O, Nadejda və İvan Roqovların 15-ci övladıdır. Cütlüyün hazırda on qızı və beş oğlu var.”
Ana olmağın sirrindən danışan Nadejda bildirib:
“Tanrı sizə övladlar göndərir və onlar gələndə Allah sizə daha çox güc və paylaşmaq üçün sevgi verir. Düşünürəm ki, əsas məsələ həyatı olduğu kimi qəbul etmək, bir-birinizi sevmək və dəstəkləməkdir və hər şey yoluna düşəcək.”
Məlumata əsasən, Nadejda cütlüyün 15 uşağının hamısını özü dünyaya gətirib, əri İvan isə doğum prosesində hər zaman onun yanında olub.
İzmedia.az
