Rusiya parlamentinin aşağı palatası olan Dövlət Dumasına qarşıdan gələn seçkilər üçün 152 ölkədə 300-dən çox seçki məntəqəsi açılacaq. Trend-in məlumatına görə, bunu Mərkəzi Seçki Komissiyasının (MSK) üzvü Pavel Andreyev komissiyanın iclasında bildirib.
Rusiya diplomatik nümayəndəliklərində ümumilikdə 312 seçki məntəqəsi yaradılacaq, daha yeddisi isə dünyaca məşhur kosmodromun yerləşdiyi Qazaxıstanın Baykonur şəhərində fəaliyyət göstərəcək.
Müqayisə üçün qeyd edək ki, 2021-ci ildə keçirilən seçkilərdə 143 ölkədə 348 seçki məntəqəsi fəaliyyət göstərib. Məntəqələrin ümumi sayı 29 ədəd azalsa da, bu dəfə Rusiya vətəndaşları daha doqquz ölkədə səs vermək imkanı əldə edəcəklər.
MSK-nın məlumatına əsasən, seçki məntəqələrinin coğrafi bölgüsü aşağıdakı kimidir:
-
Avrasiya: 84 ölkədə 237 məntəqə
-
Afrika: 45 ölkədə 50 məntəqə
-
Cənubi Amerika: 12 ölkədə 16 məntəqə
-
Avstraliya və Yeni Zelandiya: 3 məntəqə
Qeyd edək ki, Dövlət Dumasına seçkilərin sentyabrın 18-20-də keçirilməsi planlaşdırılır.
İzmedia.az
