Ukrayna Prezidenti Volodimir Zelenski CNN-ə müsahibəsində ölkəsinin hava hücumundan müdafiə sistemlərində yaranan ciddi raket qıtlığından danışıb. UNIAN-ın məlumatına görə, dövlət başçısı Ukraynanın bu il 2025-ci ildəkindən 2,5 dəfə az tutucu raket aldığını, Rusiyanın isə aylıq ballistik raket istehsalını iki dəfə artırdığını bildirib.
Zelenski ABŞ-dən raket tədarükünün artırılmasını tələb etdiklərini vurğulayıb: “Bu il amerikalı tərəfdaşlarımdan inventarlarındakı raketlərin 5%-ni bizə satmağı xahiş edirəm, bu, qışdan sağ çıxmağımıza imkan verər. Əgər onlar 10%-ni satsalar, Rusiyanın bütün ballistik raketlərini məhv edə bilərik. Lakin hazırkı cavab odur ki, bizə yalnız 1%-ni satacaqlar”.
Ukrayna lideri vaxtının böyük hissəsini müttəfiqlərlə pərdəarxası danışıqlara ayırdığını qeyd edib: “Nəyisə raketlərlə dəyişməyə çalışıram. Bəzi addımlar atıram ki, onlar barədə açıq danışa bilmərəm. Bu, həmin fəaliyyətlərin qanunsuz olması demək deyil, sadəcə açıqlanması hələlik mümkün deyil”.
İzmedia.az
