Yeni Zelandiyanın xarici işlər naziri Uinston Peters Seçkiqabağı İqtisadi və Maliyyə Yeniləməsi (PREFU) hesabatına istinadən bildirib ki, ölkə iqtisadiyyatı ciddi qlobal təzyiqlərə baxmayaraq inkişafını davam etdirir.
“X” sosial şəbəkəsində paylaşım edən Peters dünya miqyasında son 80 ilin en təhlükəli dövrünün yaşandığını vurğulayıb. O, ticarət tariflərindəki dəyişiklikləri, İrandakı müharibəni və Hörmüz boğazındakı kəsintilər səbəbindən yaranan yüksək inflyasiyanı əsas maneələr kimi göstərib.
Nazir qeyd edib ki, belə bir mürəkkəb şəraitdə real idarəetmə təcrübəsi həlledici rol oynayır və Yeni Zelandiya 2050-ci ilə qədər iqtisadiyyatın həcmini iki dəfə artırmaq hədəfinə sadiq qalmalıdır. Peters əlavə edib ki, iqtisadi artım olmadan verilən siyasi vədlər əhəmiyyətini itirəcək.
İzmedia.az
