Hörmüz boğazında üç neft tankerində yanğın baş verib

1 Min Read

Bu gün səhər saatlarından etibarən Hörmüz boğazının şərqində qayda pozuntusuna yol vermiş üç neft tankeri yanaraq hərəkətsiz qalıb.

APA-nın Tehran bürosunun məlumatına görə, İran Ordusu bu gün səhər saatlarından etibarən İran Ordusunun Hərbi Dəniz Qüvvələrinin xəbərdarlıqlarına məhəl qoymadan naviqasiya sistemlərini söndürərək Hörmüz boğazının şərqindəki qadağan olunmuş ərazidə hərəkət edən üç neft tankerinin dəniz minalarına düşərək yanğınla üzləşdiyini və hərəkətsiz qaldığını açıqlayıb.

Bildirilib ki, Hörmüz boğazından hərəkət yalnız İran Silahlı Qüvvələrinin elan etdiyi qaydalara əməl edilməsi, zəruri koordinasiyanın aparılması, icazə verilən dəniz dəhlizlərinin seçilməsi və izləmə, eləcə də naviqasiya avadanlıqlarının işlək vəziyyətdə saxlanılması şərti ilə mümkündür.

Bəyanatda vurğulanıb ki, bu tələblərə əməl etmədən boğazdan keçməyə cəhd dəniz minasına düşmək və yanğınla nəticələnməkdən başqa bir nəticə verməyəcək.

Loading

Bu xəbəri paylaş
Şərh edilməmiş